Neerazhi Sree Madan Nada Thamburan Temple, ulloor

തിരുവനന്തപുരം ജില്ലയിലെ ഉള്ളൂർ–ആക്കുളം റോഡിൽ സ്ഥിതിചെയ്യുന്ന പുരാതന ദേവാലയമാണ് കുന്നത്തോട് ശ്രീ മാടൻനട തമ്പുരാൻ ക്ഷേത്രം. സമ്പന്നമായ ആചാരപരമ്പരകളും വിശ്വാസങ്ങളും നിറഞ്ഞ ഈ ക്ഷേത്രം ഭക്തജനങ്ങളുടെ ആത്മീയ ആശ്രയകേന്ദ്രമായി അറിയപ്പെടുന്നു.

ഐതിഹ്യപ്രകാരം ശ്രീ പരമേശ്വരന്റെ പുത്രനായി ആരാധിക്കപ്പെടുന്ന ദേവനാണ് ശ്രീ മാടൻ തമ്പുരാൻ. അഭീഷ്ട വരദായകനും സർവ്വശക്തനുമായ ശ്രീ മാടൻനട തമ്പുരാൻ ഈ പ്രദേശത്തിന്റെ രക്ഷാധികാരിയായി ഭക്തരുടെ മനസ്സിൽ പ്രതിഷ്ഠിതനാണ്. ഭക്തർക്ക് സർവ്വവിധ ഐശ്വര്യങ്ങളും അനുഗ്രഹങ്ങളും നൽകി ദേവൻ വാണരുളുന്നു എന്നതാണ് വിശ്വാസം.

ക്ഷേത്രത്തിലെ ദൈനംദിന പൂജാചടങ്ങുകളും ഉത്സവങ്ങളും മറ്റ് ഭരണകാര്യങ്ങളും കുന്നത്തോട് ശ്രീ മാടൻനട തമ്പുരാൻ ക്ഷേത്രം ട്രസ്റ്റിന്റെ നേതൃത്വത്തിലാണ് നടത്തപ്പെടുന്നത്.